Kleurwedstrijd

Alle kinger van de basissjoële in Tegele hebbe ‘nne kleurplaat gekrege um meij te doon met de kleurwedstrièd

Um de vastelaovend te laote kenne besjtaon, is ‘t belangriëk um uch as jeug heej beej te betrekke. Weej hebbe gemeind dit middels ‘nne kleurwedstrièd te doon, zoëdet d’r op de Tegelse basissjoële auch op ‘n educatieve en creatieve manier tièd aan de vastelaovend ken waere besjteed.

Natuurlik heuf ge dit allemaol neet veur niks te doon! Weej hebbe ‘n geweldig scala aan priëze weite te bemachtige van kedo bonne wiès aan kei gave multimedia sets:

Priëze Baovebouw
Priëze Middebouw
Priëze Ongerbouw

De prièsoetreiking is op vastelaovend zondaag um 14.11 in ‘t Witte Hoès tièdes ‘t Ranjabal XXL. Haopelik zeen weej uch allemaol den!

De kleurplate gaer veur vriedig 22 fibberwari inlaevere op sjoël in de daoveur besjtumde inleverboxe.

Weej wille idderein vuul plezeer winse met ‘t inkleure van deze kleurplaat!

Auch de jongere kinger kenne natuurlik dees sjoëne kleurplaat inkleure. Klik eine kier op de kleurplaat heej onger um de PDF te downloade!

Vastelaovend Saame,

Wie Laater Wie Zaater.